راولپنڈی میں حلقۂ اربابِ ذوق کا اجلاس؛ تنقیدی روایت اور معاصر منظرنامے پر اظہارِ خیال

راولپنڈی، یورپ ٹوڈے(رپورٹ: احمد رضا راجہ): حلقۂ اربابِ ذوق راولپنڈی کا اجلاس 7 دسمبر 2025 بروز اتوار ادبی ہال، پنجاب آرٹس کونسل راولپنڈی میں منعقد ہوا۔ اجلاس کا موضوع "راولپنڈی/اسلام آباد کی تنقیدی روایت اور معاصر منظرنامہ” تھا، جس کی صدارت معروف ادیب محمد حمید شاہد نے کی۔

اجلاس میں شہرِ اقتدار اور جڑواں شہروں کی تنقیدی روایت، اس کی فکری جہات، ادبی رجحانات اور معاصر ادبی منظرنامے پر سیرحاصل گفتگو کی گئی۔ شرکا نے تنقید کے بدلتے ہوئے مزاج، نئے مباحث، اور ادبی حلقوں کے کردار پر اہم نکات پیش کیے۔

اس موقع پر جن ادبی شخصیات اور ناقدین نے شرکت کی ان میں صفدر رشید، امداد آکاش، صلاح الدین درویش، ڈاکٹر عابد سیال، ڈاکٹر روش ندیم، ڈاکٹر شیر علی، قاسم یعقوب، راحت احمد خان، شاہد حسن، سعید احمد، شوکت علی چوہدری، محمد اظہرالدین خان، ذاکر رحمان، شہلان نصیب، فراز امتیاز، شاد بخاری، حمید قیصر، پروفیسر خالد جیلانی، عامر ڈھڈی، وقاص عزیز، محمد سعید اللہ، اسد حسین علی بادشاہ، شاہدہ عرفی، محمد حنظلہ، ڈاکٹر تنویر احمد، عبدالوہاب، محمد حمزہ، علی نیاز، پروفیسر معین قریشی اور ناصر علی ناصر شامل تھے۔

اجلاس میں ادبی و تنقیدی روایت کے فروغ اور معاصر دور کے فکری تقاضوں کے مطابق تنقید کے نئے زاویوں پر مزید کام کی ضرورت پر زور دیا گیا۔ شرکا نے حلقۂ اربابِ ذوق کی ادبی خدمات کو سراہتے ہوئے کہا کہ اس طرح کے مباحث ادبی دنیا میں تازہ فکری سمتیں متعین کرنے میں اہم کردار ادا کرتے ہیں۔

عہدیداران حلقۂ ارباب ِ ذوق ( راولپنڈی )
سیشن : 2025/26
۔۔۔۔۔۔۔۔۔۔۔۔۔۔۔۔۔۔۔۔۔۔۔
سیکرٹری : احمدرضاراجا ۔
جوائینٹ سیکرٹری : اتفاق بٹ ۔
مجلس ِ عاملہ :
پروفیسر جلیل عالی
محمودہ غازیہ
حمید قیصر
ڈاکٹر روش ندیم
مظہر شہزاد خان
اسلم نازی
نوید اسلم کہوٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : حلقۂ ارباب ِ ذوق ( راولپنڈی ) کا ہفتہ وار تنقیدی اجلاس ہر اتوار کی شام 5:00 بجے راولپنڈی آرٹس کونسل میں منعقد ہوتا ہے ۔
جس میں لکھاریوں کے ساتھ ساتھ فنون ِ لطیفہ کے ہر شعبے سے وابستگی یا دل چسپی رکھنے والے لوگ شرکت کر سکتے ہیں