نائب وزیر اعظم و وزیر خارجہ سینیٹر محمد اسحاق ڈار کا سعودی وزیر خارجہ فیصل بن فرحان سے ٹیلیفونک رابطہ

اسلام آباد، یورپ ٹوڈے: نائب وزیر اعظم و وزیر خارجہ سینیٹر محمد اسحاق ڈار نے ہفتہ کے روز سعودی عرب کے وزیر خارجہ شہزادہ فیصل بن فرحان سے ٹیلیفون پر رابطہ کیا اور انہیں گزشتہ شب بھارتی حملوں کے بعد خطے میں پیدا ہونے والی تازہ صورتحال اور پاکستان کی جوابی کارروائی سے آگاہ کیا۔

ڈی پی ایم آفس کی جانب سے جاری کردہ اعلامیے کے مطابق، سعودی وزیر خارجہ نے معصوم جانوں کے ضیاع پر تعزیت کا اظہار کیا اور پاکستان کی جانب سے اختیار کیے گئے متوازن اور ذمہ دارانہ مؤقف کو سراہا۔

دونوں وزرائے خارجہ نے خطے میں امن و استحکام کے لیے قریبی رابطے میں رہنے پر اتفاق کیا۔