ایران نے امریکی حملوں کی تصدیق کر دی، فردو ایٹمی تنصیب کو نقصان، حساس مواد پہلے ہی منتقل کر دیا گیا

تہران، یورپ ٹوڈے: ایران نے تصدیق کی ہے کہ امریکا نے فردو، نطنز اور اصفہان میں ایٹمی تنصیبات کو فضائی حملوں میں نشانہ بنایا۔ ایرانی حکام کے مطابق فردو ایٹمی تنصیب کے داخلی و خارجی حصوں کو نقصان پہنچا ہے جبکہ نطنز اور اصفہان کے قریب بھی حملے کیے گئے۔

ایرانی حکام نے وضاحت کی کہ حملے سے پہلے تینوں ایٹمی تنصیبات کو خالی کرا لیا گیا تھا اور وہاں ایسا کوئی مواد موجود نہیں تھا جو اخراج یا بڑے نقصان کا باعث بنتا۔

نائب گورنر اصفہان اکبر صالحی کے مطابق، حملوں کے دوران اصفہان اور کاشان میں فضائی دفاعی نظام کو فعال کیا گیا تاکہ دشمن اہداف کو نشانہ بنایا جا سکے۔

یاد رہے کہ امریکی صدر ڈونلڈ ٹرمپ نے اس سے قبل کہا تھا کہ ایران کی فردو ایٹمی تنصیب مکمل طور پر تباہ کر دی گئی ہے۔