ایران کے صدر کا وزیرِاعظم پاکستان سے ٹیلیفونک رابطہ، سیلابی تباہ کاریوں پر گہرے دکھ اور ہمدردی کا اظہار

اسلام آباد، یورپ ٹوڈے: اسلامی جمہوریہ ایران کے صدر ڈاکٹر مسعود پزشکیان نے اسلامی جمہوریہ پاکستان کے وزیرِاعظم محمد شہباز شریف سے ٹیلیفونک گفتگو کی، جس میں انہوں نے پاکستان کے مختلف علاقوں میں آنے والے تباہ کن سیلاب پر گہرے دکھ اور ہمدردی کا اظہار کیا۔

صدر ایران نے اس مشکل گھڑی میں حکومتِ پاکستان اور عوام کے ساتھ یکجہتی کا اظہار کرتے ہوئے اس بات کا اعادہ کیا کہ تہران سیلاب سے متاثرہ افراد کی امداد اور بحالی کے لیے ہر ممکن تعاون فراہم کرنے کے لیے تیار ہے۔

دونوں رہنماؤں نے اس موقع پر اس بات پر بھی زور دیا کہ پاکستان اور ایران ہمسایہ ممالک ہونے کے ناطے مشکل اوقات میں باہمی تعاون اور ایک دوسرے کی معاونت کو مزید فروغ دیں گے۔