عشق آباد کے عوامی بیڑے میں یوتونگ کی 700 نئی بسوں کا اضافہ

عشق آباد، یورپ ٹوڈے: چین کی معروف کمپنی یوتونگ کی تیار کردہ 700 نئی مسافر بسیں اشک آباد پہنچ گئی ہیں۔ بارہ میٹر لمبی اور ائیر کنڈیشنڈ یہ بسیں آئندہ چند روز میں شہریوں کو سفری سہولیات فراہم کرنا شروع کر دیں گی۔ یہ اطلاع اتوار کے روز جاری کی گئی۔

یوتونگ کی تیار کردہ ان بسوں میں یورو-5 معیار کے انجن نصب ہیں جبکہ کرایہ وصولی کا عمل ڈیجیٹل نظام کے ذریعے مکمل کیا جائے گا۔ ہر بس میں ڈرائیور کی کارکردگی اور گاڑی کی حرکت پر نظر رکھنے کے لیے جدید انٹیلیجنس سسٹم، جی پی ایس سے منسلک نگرانی کیمرے اور مسافروں کے سوار و اترنے کا خودکار ریکارڈنگ نظام موجود ہے۔

مزید برآں، بسوں کو معذور افراد کے لیے قابلِ رسائی بنایا گیا ہے جبکہ مسافروں کی سہولت کے لیے آئندہ اسٹاپس کے بارے میں آڈیو اور ویژوئل اعلانات بھی کیے جائیں گے۔

چین کی یوتونگ کمپنی ملک کی سب سے بڑی بس ساز ادارہ ہے جو ماحول دوست ٹرانسپورٹ ٹیکنالوجیز، بشمول الیکٹرک، ہائیڈروجن سے چلنے والی اور ہائبرڈ بسوں کی تیاری میں مہارت رکھتی ہے۔