ایشین ہاکی چیمپئنز ٹرافی: پاکستان اور کوریا کا میچ دو دو گول سے برابر

اسلام آباد، یورپ ٹوڈے: چین کے شہر ہولینبیور میں جاری ایشین ہاکی چیمپئنز ٹرافی میں پاکستان اور کوریا کے درمیان ایک سنسنی خیز مقابلہ دو دو گول سے برابر ہو گیا۔

میچ کے دوران کوریا نے دوسرے کوارٹر میں گول کر کے برتری حاصل کی جو تیسرے کوارٹر تک برقرار رہی۔ پاکستان کی ٹیم نے تیسرے کوارٹر تک کوئی گول نہ کیا اور ایک گول سے پیچھے رہی۔ تاہم، چوتھے کوارٹر میں پاکستان نے شاندار واپسی کی، اور حنان شاہد نے دو گول کر کے میچ کو برابر کیا۔

میچ کے اختتام سے صرف 9 سیکنڈز قبل کوریا نے ایک اور گول کر کے مقابلہ برابر کر دیا۔

پاکستان کی ٹیم نے ابھی تک ایشین ہاکی چیمپئنز ٹرافی میں کوئی کامیابی حاصل نہیں کی۔ گزشتہ روز بھی قومی ٹیم کا ملائیشیا کے خلاف میچ دو دو گول سے برابر رہا تھا۔

پاکستان اپنا تیسرا میچ بدھ کو جاپان کے خلاف کھیلے گا۔