پاکستان کے بیلسٹک میزائل پروگرام کی حمایت سے انکار پرانی پالیسی ہے: امریکا

واشنگٹن،یورپ ٹوڈے: امریکی محکمہ خارجہ کے ترجمان میتھیو ملر نے کہا ہے کہ پاکستان کے بیلسٹک میزائل پروگرام کی حمایت سے انکار امریکا کی پرانی پالیسی کا حصہ ہے۔ انہوں نے پریس بریفنگ میں کہا کہ مہلک ہتھیاروں کے پھیلاؤ کی حمایت کرنے والے نیٹ ورکس کے خلاف کارروائی کے لیے امریکا پُرعزم ہے۔

میتھیو ملر نے مزید کہا کہ امریکا مہلک ہتھیاروں کے پھیلاؤ کو روکنے کے عالمی نظام کی مضبوطی کے لیے بھی پرعزم ہے۔ ترجمان کا کہنا تھا کہ پاکستان کے بیلسٹک میزائل پروگرام سے متعلق امریکی خدشات واضح ہیں، تاہم پاکستان امریکا کا طویل مدتی شراکت دار رہا ہے۔

انہوں نے کہا کہ امریکا اپنی پابندیوں اور دیگر اقدامات کو جاری رکھے گا تاکہ مہلک ہتھیاروں کے پھیلاؤ کو روکا جاسکے۔