اسلام آباد میں امام بارگاہ دھماکا، صدر اور وزیرِاعظم کی شدید مذمت
Read Time:1 Minute, 4 Second
اسلام آباد، یورپ ٹوڈے: صدرِ مملکت آصف علی زرداری اور وزیرِاعظم محمد شہباز شریف نے جمعہ کے روز اسلام آباد کے علاقے ترلائی میں واقع ایک امام بارگاہ میں ہونے والے دھماکے کی سخت الفاظ میں مذمت کرتے ہوئے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔
صدر اور وزیرِاعظم نے اپنے الگ الگ بیانات میں جاں بحق افراد کے اہلِ خانہ سے دلی تعزیت اور ہمدردی کا اظہار کیا اور واقعے میں شہید ہونے والوں کے درجات کی بلندی کے لیے دعا کی۔
وزیرِاعظم شہباز شریف نے وزیرِ داخلہ سے گفتگو کرتے ہوئے ہدایت کی کہ واقعے کی مکمل اور شفاف تحقیقات کی جائیں اور ذمہ دار عناصر کی فوری نشاندہی کر کے انہیں قانون کے کٹہرے میں لایا جائے۔ انہوں نے وزیرِ صحت کو زخمیوں کو فوری اور بہترین طبی سہولیات فراہم کرنے کی ہدایت بھی کی اور امدادی سرگرمیوں کی ذاتی نگرانی پر زور دیا۔
وزیرِاعظم نے واضح کیا کہ ملک میں بدامنی اور انتشار پھیلانے کی کسی کو اجازت نہیں دی جائے گی۔
صدرِ مملکت آصف علی زرداری نے کہا کہ بے گناہ شہریوں کو نشانہ بنانا انسانیت کے خلاف سنگین جرم ہے، اور اس مشکل گھڑی میں پوری قوم متاثرہ خاندانوں کے ساتھ شانہ بشانہ کھڑی ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 