وزیر اعلیٰ ایڈلٹ کارڈیک سرجری پروگرام کا آغاز، دل کے مریضوں کو سالانہ اربوں روپے کی مفت سہولیات فراہم کی جائیں گی
Read Time:1 Minute, 9 Second
لاہور، یورپ ٹوڈے: وزیر اعلیٰ پنجاب کے ایڈلٹ کارڈیک سرجری پروگرام کا باقاعدہ آغاز کر دیا گیا ہے، جس کے تحت دل کے مریضوں کو سالانہ تین ارب روپے سے زائد مالیت کی مفت علاج کی سہولیات فراہم کی جائیں گی۔
پنجاب ہیلتھ انیشی ایٹو مینجمنٹ کمپنی میں منعقدہ اجلاس کی صدارت کرتے ہوئے صوبائی وزیر صحت خواجہ سلمان رفیق نے کہا کہ پروگرام کے پہلے مرحلے میں صوبے کے نو سرکاری اور 15 نجی امراضِ قلب کے اداروں کے ساتھ اس کا آغاز کیا جا رہا ہے۔
انہوں نے بتایا کہ سرکاری اداروں میں پنجاب انسٹیٹیوٹ آف کارڈیالوجی لاہور، راولپنڈی، فیصل آباد، ساہیوال، ملتان اور وزیر آباد انسٹیٹیوٹ آف کارڈیالوجی، قائداعظم میڈیکل کالج بہاولپور، سردار فتح محمد خان انسٹیٹیوٹ آف کارڈیالوجی ڈیرہ غازی خان اور شیخ زید ہسپتال و میڈیکل کالج رحیم یار خان شامل ہیں۔
صوبائی وزیر نے کہا کہ پروگرام کے تحت مزید ہسپتالوں کو بھی شامل کیا جائے گا جبکہ سرکاری کارڈیک اداروں کو اپ گریڈ کرنے کا عمل بھی جاری ہے۔
انہوں نے کہا کہ اس اقدام سے بالغ مریضوں کی کارڈیک سرجری کی ویٹنگ لسٹ میں نمایاں کمی آئے گی، جبکہ پروگرام میں دل کی ہر قسم کی سرجری شامل کی گئی ہے۔
خواجہ سلمان رفیق نے مزید کہا کہ سرکاری کارڈیک ادارے بنیادی رجسٹریشن اور علاج کے مراکز ہوں گے، جبکہ نجی ہسپتالوں کو ریفرل صرف ملٹی ڈسپلنری ٹیموں کے ذریعے کیا جائے گا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
