وزیرِاعظم شہباز شریف کی سینیٹر شیری رحمٰن کے گھر آمد، بیٹی کے انتقال پر تعزیت کا اظہار
Read Time:51 Second
کراچی، یورپ ٹوڈے: وزیرِاعظم شہباز شریف جمعرات کے روز کراچی پہنچے اور سینیٹر شیری رحمٰن کی رہائش گاہ پر جا کر ان کی صاحبزادی، مروی ملک کے انتقال پر گہرے رنج و غم کا اظہار کیا۔
وزیرِاعظم نے شیری رحمٰن اور ان کے اہلِ خانہ سے دلی ہمدردی اور تعزیت کرتے ہوئے مرحومہ کے لیے دعائے مغفرت کی۔ انہوں نے اللہ تعالیٰ سے دعا کی کہ مرحومہ کو جنت الفردوس میں اعلیٰ مقام عطا فرمائے۔
وزیرِاعظم نے کہا کہ کم عمر اولاد کا بچھڑ جانا والدین کے لیے ناقابلِ برداشت صدمہ ہوتا ہے اور ایسے دکھ کو الفاظ میں بیان کرنا ممکن نہیں۔ انہوں نے سوگوار خاندان کے لیے صبرِ جمیل اور ہمت کی دعا بھی کی۔
اس موقع پر نائب وزیرِاعظم و وزیرِ خارجہ اسحاق ڈار، وزیرِاعلیٰ سندھ سید مراد علی شاہ، گورنر سندھ نہال ہاشمی، وفاقی وزیرِ اطلاعات و نشریات عطا اللہ تارڑ، وفاقی وزیرِ منصوبہ بندی احسن اقبال اور وفاقی وزیرِ قانون اعظم نذیر تارڑ بھی موجود تھے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
