جے ڈی وینس نے پاکستان کے کردار کو سراہا، شہباز شریف اور فیلڈ مارشل عاصم منیر کی اہم سفارتی ملاقاتیں
Read Time:1 Minute, 15 Second
برگن اسٹاک، یورپ ٹوڈے: وزیراعظم محمد شہباز شریف اور چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر نے سوئٹزرلینڈ کے برگن اسٹاک ریزورٹ میں امریکی نائب صدر جے ڈی وینس کے ساتھ دوطرفہ ملاقات کی، جس میں باہمی دلچسپی کے امور اور علاقائی صورتحال پر تبادلۂ خیال کیا گیا۔
میڈیا رپورٹس کے مطابق ملاقات میں امریکا کے خصوصی ایلچی اسٹیو وٹکوف اور جیرڈ کشنر بھی موجود تھے۔ ملاقات کے دوران دونوں ممالک کے درمیان تعلقات، علاقائی استحکام اور جاری سفارتی مشاورت سے متعلق مختلف امور زیرِ بحث آئے۔
دریں اثنا، وزیراعظم شہباز شریف اور فیلڈ مارشل سید عاصم منیر نے ایرانی وفد سے بھی ملاقات کی، جس کی قیادت ایران کی پارلیمنٹ کے اسپیکر محمد باقر قالیباف کر رہے تھے۔ ایرانی وفد میں وزیر خارجہ عباس عراقچی بھی شامل تھے، جبکہ پاکستان کی جانب سے وفاقی وزیر داخلہ محسن نقوی اور وفاقی وزیر اطلاعات و نشریات عطا اللہ تارڑ نے بھی شرکت کی۔
رپورٹس کے مطابق ملاقات میں باہمی دلچسپی کے معاملات، دوطرفہ تعلقات اور خطے میں جاری پیش رفت پر تبادلۂ خیال کیا گیا۔
پاکستان کے ممکنہ ثالثی کردار سے متعلق ایک سوال کے جواب میں امریکی نائب صدر جے ڈی وینس نے پاکستان کی کوششوں کو سراہتے ہوئے کہا، ’’بہت اچھا، ہم پاکستان سے محبت کرتے ہیں۔‘‘
یہ اعلیٰ سطحی ملاقاتیں سوئٹزرلینڈ میں جاری سفارتی مشاورت کے موقع پر ہوئیں، جن کا مقصد خطے میں مکالمے کے فروغ، کشیدگی میں کمی اور استحکام کے لیے بین الاقوامی تعاون کو مضبوط بنانا ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 