کمانڈر نیشنل اسٹریٹجک کمانڈ جنرل سید عامر رضا کی نیول چیف ایڈمرل نوید اشرف سے ملاقات
Read Time:1 Minute, 2 Second
اسلام آباد، یورپ ٹوڈے: نو تعینات کمانڈر نیشنل اسٹریٹجک کمانڈ (CNSC) جنرل سید عامر رضا نے منگل کے روز نیول ہیڈکوارٹرز اسلام آباد میں چیف آف دی نیول اسٹاف ایڈمرل نوید اشرف سے ملاقات کی۔
پاک بحریہ کے شعبہ تعلقات عامہ (ڈی جی پی آر نیوی) کی جانب سے جاری بیان کے مطابق، نیول ہیڈکوارٹرز آمد پر کمانڈر نیشنل اسٹریٹجک کمانڈ کا استقبال چیف آف دی نیول اسٹاف ایڈمرل نوید اشرف نے کیا۔
ملاقات کے دوران نیول چیف نے جنرل سید عامر رضا کو ملک کے پہلے کمانڈر نیشنل اسٹریٹجک کمانڈ کے طور پر ذمہ داریاں سنبھالنے پر مبارکباد دی۔
بات چیت کے دوران ایڈمرل نوید اشرف نے موجودہ بحری چیلنجز کا ذکر کرتے ہوئے کہا کہ پاک بحریہ ملکی بحری سلامتی کے تحفظ اور قومی مفادات کے دفاع کے لیے مکمل طور پر تیار ہے۔
انہوں نے کہا کہ پاک بحریہ خطے میں بدلتی ہوئی بحری صورتحال کے پیش نظر اپنی آپریشنل صلاحیتوں اور تیاریوں کو مسلسل بہتر بنا رہی ہے۔
جنرل سید عامر رضا نے پاکستان کی بحری سرحدوں کے تحفظ اور سمندری مفادات کے دفاع کے لیے پاک بحریہ کی آپریشنل تیاریوں کو سراہا۔
ملاقات میں باہمی دلچسپی کے امور اور قومی سلامتی سے متعلق معاملات پر بھی تبادلہ خیال کیا گیا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 