ڈی آئی خان میں سکیورٹی فورسز کی کارروائی، 8 دہشت گرد ہلاک، 3 اہم کمانڈرز بھی شامل
Read Time:49 Second
اسلام آباد، یورپ ٹوڈے: خیبر پختونخوا کے ضلع ڈیرہ اسماعیل خان میں سکیورٹی فورسز نے انٹیلی جنس کی بنیاد پر کامیاب آپریشن کرتے ہوئے فتنۃ الخوارج سے تعلق رکھنے والے 8 دہشت گردوں کو ہلاک کر دیا، جن میں تین اہم کمانڈرز بھی شامل ہیں۔
سرکاری ذرائع کے مطابق سکیورٹی فورسز نے یہ کارروائی علاقے میں دہشت گردوں کی موجودگی سے متعلق موصول ہونے والی انٹیلی جنس اطلاعات کی بنیاد پر کی۔
کارروائی کے دوران ہلاک ہونے والے دہشت گردوں میں فتنۃ الخوارج کے تین اہم کمانڈرز بھی شامل تھے۔ سکیورٹی فورسز نے دہشت گردوں کے قبضے سے بڑی مقدار میں اسلحہ و گولہ بارود اور غیر ملکی کرنسی بھی برآمد کی۔
ذرائع کے مطابق یہ آپریشن عزمِ استحکام کے وژن کے تحت کیا گیا، جس کا مقصد ملک سے دہشت گردی کا خاتمہ اور پائیدار امن و استحکام کو یقینی بنانا ہے۔
سکیورٹی فورسز نے دہشت گردی کے مکمل خاتمے اور ملک میں دیرپا امن کے قیام کے عزم کا اعادہ کیا ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
