امریکی صدر جو بائیڈن کا صدر شی جن پنگ کو عوامی جمہوریہ چین کی 75ویں سالگرہ پر تہنیتی پیغام

بیجنگ، یورپ ٹوڈے: امریکی صدر جو بائیڈن نے عوامی جمہوریہ چین (پی آر سی) کے 75ویں یوم تاسیس کے موقع پر چینی صدر شی جن پنگ کو مبارکباد کا پیغام بھیجا ہے۔ ہفتہ کے روز چینی وزارت خارجہ کے ترجمان نے اس بات کی تصدیق کی۔

ترجمان کے مطابق حالیہ دنوں میں کئی ممالک کے رہنماؤں، سیاسی جماعتوں کے سربراہان اور بین الاقوامی تنظیموں کے سربراہان نے پی آر سی کی 75ویں سالگرہ پر صدر شی جن پنگ کو مبارکباد کے پیغامات بھیجے ہیں، جو کہ کمیونسٹ پارٹی آف چائنا کی مرکزی کمیٹی کے جنرل سیکرٹری بھی ہیں۔

صدر بائیڈن نے اپنے پیغام میں کہا کہ “امریکہ کی عوام کی جانب سے، میں آپ کو اور عوامی جمہوریہ چین کے عوام کو اس تاریخی موقع پر دل کی گہرائیوں سے مبارکباد پیش کرتا ہوں۔ امریکی عوام اور میں پی آر سی کی عوام کے لیے نیک خواہشات کا اظہار کرتے ہیں۔”