چین میں ڈریگن بوٹ فیسٹیول کے دوران 59 لاکھ سے زائد سرحد پار سفر، ویزا فری غیر ملکیوں کی آمد میں 59 فیصد اضافہ

بیجنگ، یورپ ٹوڈے: چین میں تین روزہ ڈریگن بوٹ فیسٹیول کی تعطیلات کے دوران ملک میں سرحد پار سفر کرنے والوں کی تعداد 59 لاکھ 10 ہزار سے تجاوز کر گئی، جو گزشتہ سال کی نسبت 2.7 فیصد زیادہ ہے۔ یہ اعداد و شمار منگل کے روز نیشنل امیگریشن ایڈمنسٹریشن کی جانب سے جاری کیے گئے۔

عطلات کے دوران چین کی ویزا فری پالیسیوں سے فائدہ اٹھانے والے غیر ملکیوں کی آمد میں نمایاں اضافہ دیکھنے میں آیا۔ مجموعی طور پر 2 لاکھ 31 ہزار غیر ملکی شہری بغیر ویزا کے چین میں داخل ہوئے، جو گزشتہ سال کی اسی مدت کے مقابلے میں 59.4 فیصد اضافہ ظاہر کرتا ہے۔

اس سال ڈریگن بوٹ فیسٹیول، جسے “ڈوان وو فیسٹیول” کے نام سے بھی جانا جاتا ہے، 31 مئی کو منایا گیا، جبکہ تعطیلات 31 مئی سے 2 جون تک جاری رہیں۔