خطے کی صورتحال پر تشویش: اسحاق ڈار اور سعودی وزیرِ خارجہ کا رابطہ، قریبی مشاورت جاری رکھنے پر اتفاق
اسلام آباد،یورپ ٹوڈے: نائب وزیراعظم و وزیرِ خارجہ سینیٹر محمد اسحاق ڈار نے ہفتہ کے روز سعودی عرب کے وزیرِ خارجہ شہزادہ فیصل بن فرحان آل سعود سے ٹیلیفونک رابطہ کیا۔
گفتگو کے دوران دونوں رہنماؤں نے خطے میں جاری پیش رفت پر گہری تشویش کا اظہار کیا اور موجودہ صورتحال پر تبادلۂ خیال کیا۔
دونوں وزرائے خارجہ نے اس بات پر اتفاق کیا کہ بدلتی ہوئی علاقائی صورتحال کے پیشِ نظر باہمی مشاورت اور قریبی رابطہ برقرار رکھا جائے گا تاکہ مشترکہ مفادات اور خطے کے امن و استحکام کے لیے مؤثر اقدامات کو یقینی بنایا جا سکے۔
