نائب وزیراعظم و وزیر خارجہ اسحاق ڈار کا عراقی ہم منصب سے رابطہ، علاقائی صورتحال پر تبادلہ خیال
اسلام آباد،یورپ ٹوڈے: نائب وزیراعظم و وزیر خارجہ سینیٹر محمد اسحاق ڈار نے عراق کے نائب وزیراعظم و وزیر خارجہ فواد حسین سے ٹیلیفونک گفتگو کی۔
گفتگو کے دوران خطے میں تیزی سے بدلتی ہوئی صورتحال پر تبادلہ خیال کیا گیا۔ دونوں رہنماؤں نے کشیدگی کو قابو میں رکھنے، تناؤ میں کمی لانے اور خطے میں امن و استحکام کے فروغ کے لیے مسلسل اور مؤثر کوششوں کی ضرورت پر زور دیا۔
دونوں وزرائے خارجہ نے اس امر پر اتفاق کیا کہ موجودہ حالات کے پیش نظر باہمی رابطہ برقرار رکھا جائے گا اور قریبی مشاورت جاری رکھی جائے گی۔
