حارث رؤف ون ڈے کرکٹ میں 100 وکٹیں مکمل کرنے والے تیسرے تیز ترین پاکستانی بولر بن گئے
Read Time:53 Second
اسلام آباد، یورپ ٹوڈے: پاکستان کے فاسٹ بولر حارث رؤف نے ون ڈے انٹرنیشنل کرکٹ میں اہم سنگ میل عبور کرتے ہوئے 100 وکٹیں مکمل کرلیں اور یوں وہ یہ اعزاز حاصل کرنے والے تیسرے تیز ترین پاکستانی بولر بن گئے ہیں۔
حارث رؤف نے یہ کارنامہ حالیہ دنوں بنگلا دیش کے خلاف سیریز کے دوسرے ون ڈے میچ میں انجام دیا۔ یہ ان کے کیریئر کا 55 واں ون ڈے انٹرنیشنل میچ تھا جس میں انہوں نے وکٹوں کی سنچری مکمل کی۔
اس میچ میں حارث رؤف نے شاندار بولنگ کا مظاہرہ کرتے ہوئے 4.3 اوورز میں 23 رنز دے کر 3 وکٹیں حاصل کیں۔
واضح رہے کہ پاکستان کے موجودہ کپتان شاہین شاہ آفریدی ون ڈے کرکٹ میں سب سے کم 51 میچز میں 100 وکٹیں مکمل کرنے والے پاکستانی بولر ہیں۔
جبکہ سابق اسپنر ثقلین مشتاق نے 53 میچز میں 100 وکٹیں مکمل کر کے اس فہرست میں دوسرا مقام حاصل کیا تھا۔
حارث رؤف کی یہ کامیابی پاکستانی کرکٹ میں ان کی بڑھتی ہوئی اہمیت اور شاندار کارکردگی کی عکاسی کرتی ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
