اسلام آباد میں خراب موسم اور بارش کے باعث فلائٹ آپریشن متاثر

اسلام آباد، یورپ ٹوڈے: اسلام آباد میں خراب موسم اور بارش کے سبب فلائٹ آپریشن متاثر ہو گیا ہے۔ اسلام آباد کی تین غیر ملکی پروازوں کو لاہور میں لینڈ کرایا گیا ہے جبکہ بیس پروازوں کو تاخیر کا سامنا ہے۔

اسلام آباد سے جدہ، گلگت، اور اسکردو کی پروازوں کی روانگی بھی متاثر ہوئی ہے، جس کے نتیجے میں مسافروں کو اضافی وقت انتظار کرنا پڑا۔ ملتان سے شارجہ کے لیے دو پروازیں منسوخ کر دی گئی ہیں، جبکہ لاہور سے کراچی کی نجی ایئر لائن کی پرواز کی روانگی میں تین گھنٹے سے زائد کی تاخیر ہوئی ہے۔

فضائی سفر میں اس اچانک خلل کے باعث مسافروں کو مشکلات کا سامنا ہے اور متعلقہ ایئر لائنز اور ہوائی اڈوں کی انتظامیہ صورتحال کو بہتر بنانے کی کوشش کر رہی ہے۔