وزیرِاعلیٰ پنجاب مریم نواز کا زائد کرایہ وصول کرنے والے ٹرانسپورٹرز کے خلاف کریک ڈاؤن کا حکم

لاہور، یورپ ٹوڈے: وزیرِاعلیٰ پنجاب مریم نواز نے عید کے موقع پر مسافروں سے زیادہ کرایہ وصول کرنے والے ٹرانسپورٹرز کے خلاف سخت کارروائی کا حکم دے دیا۔

وزیرِاعلیٰ نے ہدایت جاری کی کہ مقررہ کرایوں پر سختی سے عمل درآمد یقینی بنایا جائے اور زائد کرایہ وصول کرنے والوں کے خلاف فوری قانونی کارروائی کی جائے۔ انہوں نے ڈپٹی کمشنرز کو ہدایت دی کہ وہ ٹرانسپورٹ کرایوں کی سخت مانیٹرنگ کریں اور کسی بھی خلاف ورزی کی صورت میں فوری اقدامات کریں۔

مریم نواز نے واضح کیا کہ عید کے موقع پر گھروں کو لوٹنے والے غریب مسافروں کا استحصال کسی صورت برداشت نہیں کیا جائے گا۔ حکومت عوام کو ریلیف فراہم کرنے کے لیے تمام ممکنہ اقدامات کر رہی ہے، اور زائد کرایہ وصول کرنے والے عناصر کے خلاف سخت کارروائی عمل میں لائی جائے گی۔