صدر شوکت مرزییوف کا چین میں شدید سیلاب سے جانی نقصان پر صدر شی جن پنگ سے اظہارِ تعزیت

تاشقند، یورپ ٹوڈے: ازبکستان کے صدر جناب شوکت مرزییوف نے چین کے دارالحکومت بیجنگ اور صوبہ ہیبئی میں شدید سیلاب کے باعث ہونے والے جانی و مالی نقصان پر چینی صدر شی جن پنگ سے گہرے دکھ اور افسوس کا اظہار کیا ہے۔

اپنے تعزیتی پیغام میں صدر مرزییوف نے جاں بحق افراد کے اہل خانہ سے دلی ہمدردی اور یکجہتی کا اظہار کرتے ہوئے زخمیوں کی جلد صحتیابی کے لیے نیک تمناؤں کا اظہار کیا۔

یاد رہے کہ 23 تا 29 جولائی بیجنگ میں شدید بارشیں ہوئیں جن سے می یون، ہوا ئیرو، یان چنگ اور پنگ گو کے علاقے سب سے زیادہ متاثر ہوئے۔ تازہ ترین اطلاعات کے مطابق سیلاب سے ہلاکتوں کی تعداد 40 سے تجاوز کر گئی ہے۔