چیئرمین پی سی بی محسن نقوی کا کہنا ہے کہ صائم ایوب کا مستقبل چیمپئنز ٹرافی کے باعث داؤ پر نہیں لگایا جائے گا

اسلام آباد، یورپ ٹوڈے: پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ چیمپئنز ٹرافی کے قریب آتے ہوئے وہ صائم ایوب کا مستقبل داؤ پر نہیں لگانا چاہتے ہیں۔

انہوں نے یہ بات میڈیا سے گفتگو کرتے ہوئے کہی اور بتایا کہ ایک دو دن میں صائم ایوب کا پلاسٹر اتر جائے گا۔محسن نقوی نے کہا کہ وہ خود صائم ایوب کی انجری کو مانیٹر کر رہے ہیں اور روزانہ کی بنیاد پر ان سے رابطہ کرتے ہیں۔پاکستان کے اوپنر صائم ایوب دائیں ٹخنے میں فریکچر کے باعث کرکٹ سے 6 ہفتے کے لیے باہر ہو گئے ہیں۔

یہ فریکچر جنوبی افریقا کے خلاف دوسرے ٹیسٹ میچ کے دوران فیلڈنگ کرتے ہوئے ہوا۔چیئرمین پی سی بی نے اس بات کا بھی ذکر کیا کہ چیمپئنز ٹرافی کے لیے 11 فروری تک حتمی اسکواڈ کا اعلان کرنا ضروری ہے، اور وہ چاہتے ہیں کہ صائم ایوب جلد صحتیاب ہو کر ٹیم میں واپس آئیں تاکہ ان کا کردار اس اہم ٹورنامنٹ میں برقرار رہے۔