پاکستان اور بنگلہ دیش کے درمیان ٹی ٹوئنٹی سیریز کا پہلا مقابلہ آج ڈھاکا میں، بارش کا امکان
ڈھاکا، یورپ ٹوڈے: پاکستان اور بنگلہ دیش کی کرکٹ ٹیموں کے درمیان تین ٹی ٹوئنٹی میچوں پر مشتمل سیریز کا پہلا مقابلہ آج شیر بنگلا نیشنل اسٹیڈیم، ڈھاکا میں کھیلا جائے گا۔
پاکستانی کپتان سلمان علی آغا نے میچ سے قبل گفتگو کرتے ہوئے کہا کہ “بنگلہ دیش اپنی ہوم کنڈیشنز میں ایک مضبوط حریف ہے، مگر ہم چیلنجز سے آگاہ ہیں اور مکمل تیاری کے ساتھ میدان میں اتریں گے۔”
انہوں نے کہا کہ ٹیم کا مورال بلند ہے اور کھلاڑیوں کو اپنی ذمہ داریوں کا بھرپور احساس ہے۔
دوسری جانب، موسمیاتی ادارے نے آج بارش کی پیش گوئی کی ہے، جس کے باعث میچ متاثر ہونے کا خدشہ ہے۔ سیریز کے بقیہ میچز پر بھی بارش کے اثرات پڑ سکتے ہیں۔
یہ سیریز ورلڈ کپ کی تیاریوں کے تناظر میں دونوں ٹیموں کے لیے نہایت اہم سمجھی جا رہی ہے۔
