صدر مملکت آصف علی زرداری کل پارلیمنٹ کے مشترکہ اجلاس سے خطاب کریں گے

اسلام آباد، یورپ ٹوڈے: صدر مملکت آصف علی زرداری کل پارلیمنٹ کے مشترکہ اجلاس سے خطاب کریں گے۔ قومی اسمبلی سیکرٹریٹ نے اجلاس کا یک نکاتی ایجنڈا جاری کر دیا، جس کے مطابق صدر مملکت ایوان زیریں (قومی اسمبلی) اور ایوان بالا (سینیٹ) کے اراکین سے خطاب کریں گے۔

رپورٹ کے مطابق پارلیمنٹ کا مشترکہ اجلاس کل سہ پہر تین بجے منعقد ہوگا، جس میں صدر زرداری آئندہ حکومتی پالیسیوں اور ملکی سیاسی و اقتصادی صورتحال پر اظہار خیال کریں گے۔

یہ اجلاس آئندہ پارلیمانی امور کے لیے نہایت اہم قرار دیا جا رہا ہے، جس میں ملک کی مجموعی صورتحال پر صدر مملکت کی رہنمائی متوقع ہے۔