پاکستانی جوجٹسو ٹیم کی جنوبی ایشیا چیمپئن شپ 2026 میں تاریخی کامیابی، 22 میڈلز اپنے نام
Read Time:1 Minute, 13 Second
ڈاگانا، یورپ ٹوڈے: پاکستان جوجٹسو ٹیم نے جنوبی ایشیا چیمپئن شپ 2026 میں شاندار کارکردگی کا مظاہرہ کرتے ہوئے مجموعی طور پر 22 میڈلز جیت کر تاریخ رقم کر دی، جن میں 12 گولڈ، 5 سلور اور 5 برانز میڈلز شامل ہیں۔
موصولہ اطلاعات کے مطابق قومی ٹیم نے چیمپئن شپ کے دوران غیر معمولی برتری دکھائی، جہاں کئی پاکستانی کھلاڑی فائنل مقابلوں میں ایک دوسرے کے مد مقابل بھی آئے، جو ٹیم کی گہرائی اور صلاحیت کا منہ بولتا ثبوت ہے۔
نوجوان کھلاڑیوں میں زنیرہ ذوالفقار علی، سندس علی، رشال خان، محمد عبداللہ علی اور عباد الرحمن نے انڈر 16 اور انڈر 18 مقابلوں میں نمایاں کارکردگی دکھائی۔
ایڈلٹ ڈو کیٹیگری میں ایم علی راشد اور ایم یوسف علی نے ڈو مین کلاسک میں گولڈ میڈل حاصل کیا، جبکہ ایم علی راشد اور اسرا وسیم نے ڈو مکسڈ میں گولڈ جیتا۔ کائنات عارف اور اسرا وسیم نے ڈو ویمن شو میں سلور حاصل کیا، جبکہ دیگر ایونٹس میں بھی پاکستانی کھلاڑیوں نے متعدد میڈلز اپنے نام کیے۔
پاکستان جوجٹسو فیڈریشن کے بانی و صدر خلیل احمد خان اور سیکرٹری جنرل طارق علی نے ٹیم کی شاندار کامیابی پر خوشی کا اظہار کرتے ہوئے کہا کہ کھلاڑیوں نے اپنی محنت، لگن اور عزم سے بین الاقوامی سطح پر پاکستان کا نام روشن کیا ہے۔
انہوں نے مزید کہا کہ قومی ٹیم کی وطن واپسی پر شاندار استقبال کیا جائے گا اور کھلاڑیوں کو ان کی کامیابیوں پر انعامات سے نوازا جائے گا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 