پاکستان ایئرپورٹس اتھارٹی کا ڈی آئی خان میں گرین فیلڈ ایئرپورٹ کے قیام کا فیصلہ

اسلام آباد، یورپ ٹوڈے: پاکستان ایئرپورٹس اتھارٹی نے ڈیرہ اسماعیل خان میں گرین فیلڈ ایئرپورٹ قائم کرنے کا فیصلہ کیا ہے۔ اس ایئرپورٹ اور اس سے متعلقہ سہولتوں کے بنیادی ڈھانچے کی تعمیر کے لیے 1817 ایکڑ نجی اراضی حاصل کی جائے گی، جو موضع یارک اور گلوٹی میں واقع ہے۔

ایڈیشنل ڈائریکٹر اسٹیٹ اینڈ لینڈ، زاہد نعیم نے اس اراضی کی حصولی کے لیے ڈپٹی کمشنر ڈیرہ اسماعیل خان کو باقاعدہ خط ارسال کیا ہے۔ خط میں درخواست کی گئی ہے کہ لینڈ ایکوزیشن ایکٹ 1894 کے سیکشن 4 کے تحت اراضی کے حصول کا عمل شروع کیا جائے۔

پاکستان ایئرپورٹس اتھارٹی کے بورڈ نے ہدایت کی ہے کہ پہلے ایک فیزیبلٹی اسٹڈی مکمل کی جائے، اور رپورٹ موصول ہونے تک سیکشن 4 کا نفاذ کیا جائے۔ اس فیصلے کا مقصد خطے میں فضائی سہولتوں کو بہتر بنانا اور مقامی و بین الاقوامی سفری ضروریات کو پورا کرنا ہے۔