پاکستان کرکٹ ٹیم کے ہیڈ کوچ گیری کرسٹن کی لاہور آمد، چیمپئنز ون ڈے کپ میں کھلاڑیوں کی کارکردگی کا جائزہ شروع

لاہور، یورپ ٹوڈے: پاکستان کرکٹ ٹیم کے وائٹ بال ہیڈ کوچ گیری کرسٹن نے پاکستان پہنچنے کے بعد اپنی ذمہ داریاں سنبھال لی ہیں۔ گیری کرسٹن اور مینٹل پرفارمنس کوچ ڈیوڈ ریڈ فیصل آباد پہنچے، جہاں انہوں نے چیمپئنز ون ڈے کپ میں اسٹالینز اور لائنز کے درمیان ہونے والا میچ دیکھا۔

اس موقع پر گیری کرسٹن اور ڈیوڈ ریڈ نے سلیکٹرز محمد یوسف اور اسد شفیق سے ملاقات کی۔ ہیڈ کوچ گیری کرسٹن چیمپئنز ون ڈے کپ میں کھلاڑیوں کی کارکردگی کا بغور جائزہ لیں گے تاکہ مستقبل کے لیے بہترین کھلاڑیوں کا انتخاب کیا جا سکے۔

گیری کرسٹن لاہور میں ہونے والے کنیکشن کیمپ میں ریڈ بال ہیڈ کوچ جیسن گلیسپی کے ہمراہ شرکت کریں گے، جب کہ مینٹل پرفارمنس کوچ ڈیوڈ ریڈ بھی 23 ستمبر کو لاہور میں کیمپ میں شامل ہوں گے۔