پاکستان نے پانچویں بار ورلڈ یوتھ اسکریبل چیمپئن شپ جیت لی

اسلام آباد، یورپ ٹوڈے: پاکستان نے ورلڈ یوتھ اسکریبل چیمپئن شپ میں ایک نیا ریکارڈ قائم کرتے ہوئے پانچویں بار چیمپئن شپ جیت لی ہے۔ اس بار 16 سالہ عفان سلمان نے شاندار کارکردگی کا مظاہرہ کرتے ہوئے ورلڈ یوتھ اسکریبل چیمپئن کا اعزاز حاصل کیا۔

عفان سلمان نے چیمپئن شپ کے دوران 23 میں سے 19 گیمز جیتے، جو کہ ایک قابل ستائش کارنامہ ہے۔ یہ کامیابی پاکستان کے لیے بڑی فخر کی بات ہے کیونکہ وہ پانچ مرتبہ ورلڈ یوتھ اسکریبل چیمپئن شپ جیتنے والا دنیا کا پہلا ملک بن گیا ہے۔

سری لنکا میں ہونے والے اس ایونٹ میں دنیا بھر کے 138 پلیئرز نے حصہ لیا، اور پاکستان کے عفان سلمان نے اپنی بہترین حکمت عملی اور مہارت کی بدولت چیمپئن شپ میں نمایاں کامیابی حاصل کی۔