افغان عبوری حکومت فتنہ الخوارج کی سرپرستی کر رہی ہے، اقوام متحدہ میں پاکستان کے مستقل مندوب منیر اکرم

اسلام آباد، یورپ ٹوڈے: پاکستان کے اقوام متحدہ میں مستقل مندوب، منیر اکرم نے سلامتی کونسل کے اجلاس سے خطاب کرتے ہوئے کہا کہ افغانستان میں فتنہ الخوارج کو افغان عبوری حکومت کی سرپرستی حاصل ہے۔

منیر اکرم کا کہنا تھا کہ پاکستان فتنہ الخوارج کے خلاف اپنی قومی سطح پر کارروائیاں جاری رکھے گا اور اس خطرے کا خاتمہ کرے گا۔ انہوں نے مزید کہا کہ پاکستان علاقائی اور بین الاقوامی تنظیموں کے ساتھ تعاون کے لیے تیار ہے تاکہ تحریک طالبان پاکستان (ٹی ٹی پی) کے خطرے کو مؤثر طریقے سے ختم کیا جا سکے۔

یہ بیان عالمی سطح پر انسداد دہشتگردی کی کوششوں میں پاکستان کی عزم اور شرکت کو واضح کرتا ہے۔