کینیڈا میں فائرنگ کے افسوسناک واقعے پر صدر آصف علی زرداری کا اظہارِ تعزیت، پاکستان کی مکمل یکجہتی کا اعلان
Read Time:51 Second
اسلام آباد،یورپ ٹوڈے: صدرِ مملکت آصف علی زرداری نے بدھ کے روز کینیڈا کے صوبے برٹش کولمبیا کے علاقے ٹمبلر رج میں پیش آنے والے افسوسناک اجتماعی فائرنگ کے واقعے پر حکومت اور عوامِ کینیڈا سے گہرے دکھ اور افسوس کا اظہار کیا ہے۔
ایوانِ صدر سے جاری بیان کے مطابق صدرِ مملکت نے قیمتی جانوں کے ضیاع، جن میں متعدد طلبہ بھی شامل ہیں، پر دلی تعزیت کا اظہار کیا اور زخمیوں کی جلد صحت یابی کے لیے دعا کی۔
صدر آصف علی زرداری نے صورتحال کو قابو میں لانے کے لیے بروقت کارروائی کرنے پر رائل کینیڈین ماؤنٹڈ پولیس اور ہنگامی امدادی ٹیموں کی جرات اور پیشہ ورانہ مہارت کو خراجِ تحسین پیش کیا۔
انہوں نے کہا کہ “اس غم کی گھڑی میں پاکستان اپنے کینیڈین بھائیوں اور بہنوں کے ساتھ مکمل یکجہتی کا اظہار کرتا ہے۔” صدر نے مزید کہا کہ حکومتِ پاکستان ہر قسم کے تشدد کی سخت الفاظ میں مذمت اور عالمی سطح پر امن و برداشت کے فروغ کے عزم کا اعادہ کرتی ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
