صدر آصف علی زرداری سے سربراہ پاک بحریہ ایڈمرل نوید اشرف کی ملاقات
اسلام آباد، یورپ ٹوڈے: صدرِ مملکت آصف علی زرداری سے پیر کے روز ایوانِ صدر میں سربراہ پاک بحریہ ایڈمرل نوید اشرف نے ملاقات کی۔
ایوانِ صدر سے جاری اعلامیہ کے مطابق ملاقات میں پاک بحریہ کے پیشہ ورانہ اُمور اور پاکستان کے دفاع سے متعلق معاملات پر تبادلہ خیال کیا گیا۔
اس موقع پر صدر آصف علی زرداری نے پاک بحریہ کے کردار کو سراہتے ہوئے کہا کہ پاکستان نیوی نے ملک کی سمندری سرحدوں کے تحفظ میں ہمیشہ قابلِ فخر خدمات انجام دی ہیں۔
