پی ٹی اے کی جانب سے سب میرین کیبل خرابی کے بعد انٹرنیٹ سروسز کی بحالی یقینی

اسلام آباد، یورپ ٹوڈے: پاکستان ٹیلی کمیونی کیشن اتھارٹی (پی ٹی اے) کے اعلامیہ کے مطابق 2 جنوری 2025 کو سب میرین کیبل AAE-1 میں پیدا ہونے والی خرابی کے پیش نظر عارضی بینڈوڈتھ کا بندوبست کرتے ہوئے اسے سسٹم میں شامل کر لیا گیا ہے۔

پی ٹی اے کے مطابق اس وقت ملک بھر میں انٹرنیٹ سروسز کے حوالے سے کوئی ڈی گریڈیشن موجود نہیں ہے۔ AAE-1 سب میرین کیبل کی بحالی کے عمل کی مسلسل نگرانی کی جا رہی ہے تاکہ صارفین کو کسی قسم کی مشکلات کا سامنا نہ کرنا پڑے۔

پی ٹی اے نے یقین دہانی کرائی ہے کہ وہ تمام انٹرنیٹ سروسز کی فعالیت کو یقینی بنانے کے لیے پُرعزم ہے اور انٹرنیٹ خدمات کو بلاتعطل جاری رکھنے کے لیے تمام ممکنہ اقدامات کیے جا رہے ہیں۔