پاکستان میں رمضان المبارک 1447ھ کا چاند نظر آگیا، پہلا روزہ کل (جمعرات) ہوگا

اسلام آباد،یورپ ٹوڈے: ملک بھر میں رمضان المبارک 1447 ہجری کا چاند نظر آگیا ہے اور پہلا روزہ کل بروز جمعرات رکھا جائے گا۔

ماہِ رمضان کے چاند کی رویت کے لیے مرکزی رویت ہلال کمیٹی کا اجلاس پشاور میں منعقد ہوا، جبکہ زونل کمیٹیوں کے اجلاس متعلقہ ہیڈ کوارٹرز میں ہوئے۔ چاند نظر آنے کا باضابطہ اعلان چیئرمین مرکزی رویتِ ہلال کمیٹی Abdul Khabir Azad نے کیا۔

اجلاس میں مرکزی و زونل رویت ہلال کمیٹی پشاور کے اراکین کے علاوہ وزارت مذہبی امور کے ڈائریکٹر جنرل حافظ عبدالقدوس، سپارکو کے نمائندے شوکت اللہ، محکمہ موسمیات کے نمائندے ڈاکٹر حسن علی بیگ اور وزارت سائنس و ٹیکنالوجی کے نمائندے زین العابدین نے شرکت کی۔

اجلاس کے بعد پریس کانفرنس سے خطاب کرتے ہوئے مولانا عبدالخبیر آزاد نے کہا کہ ملک کی مسلح افواج بہادری سے دہشت گردی کے خلاف برسرپیکار ہیں اور معرکہ حق میں بھارت کے خلاف نمایاں کامیابی حاصل ہوئی ہے۔ انہوں نے قومی اتحاد و یگانگت کی ضرورت پر زور دیتے ہوئے کہا کہ وطن سے محبت ایمان کا حصہ ہے۔

انہوں نے کہا کہ بلوچستان کے 12 اضلاع میں دہشت گردی کے واقعات پیش آئے، باجوڑ میں شہری شہید ہوئے اور اسلام آباد میں بھی ایک ناخوشگوار واقعہ رونما ہوا۔ ان کا کہنا تھا کہ 10 ہزار سے زائد علمائے کرام نے خودکش حملوں اور انتہاپسندی کو حرام قرار دیا ہے۔

وزارت مذہبی امور نے رمضان المبارک کے چاند کی رویت سے متعلق باقاعدہ نوٹیفکیشن جاری کرتے ہوئے اعلان کیا ہے کہ کل یکم رمضان المبارک ہوگی۔

دوسری جانب بنگلادیش اور بھارت میں بھی رمضان المبارک کا چاند نظر آگیا ہے، جبکہ Saudi Arabia سمیت عرب اور خلیجی ممالک میں آج پہلا روزہ رکھا جا رہا ہے۔

سعودی عرب میں چاند کے اعلان کے بعد Mecca کی مسجد الحرام میں پہلی تراویح ادا کی گئی، جہاں لاکھوں زائرین اور نمازیوں کا روح پرور اجتماع دیکھنے میں آیا۔