وزیراعظم شہباز شریف کا فروری میں آذربائیجان اور ازبکستان کے اہم دورے کا اعلان

اسلام آباد، یورپ ٹوڈے: پاکستان اپنی ’’ویژن سینٹرل ایشیا‘‘ پالیسی کے تحت وسط ایشیائی ریاستوں اور یوریشیا کے قفقاز خطے کے اہم ممالک کے ساتھ تعلقات کو فروغ دینے کے لیے سرگرم ہے۔ اسی حکمت عملی کے تحت وزیراعظم شہباز شریف فروری کے تیسرے ہفتے میں آذربائیجان اور ازبکستان کا دورہ کریں گے۔

وزیراعظم کے ہمراہ نائب وزیراعظم/وزیر خارجہ سینیٹر محمد اسحاق ڈار اور چند اہم وفاقی وزراء بھی شامل ہوں گے۔ اس موقع پر دونوں ممالک کے ساتھ اقتصادی تعاون سمیت مختلف شعبوں میں معاہدے ہوں گے۔

وزیراعظم واپسی سے قبل دو روز کے لیے ازبکستان کا دورہ کریں گے، جہاں وہ ازبکستان کو کراچی کی بندرگاہ کو اپنی ٹرانزٹ ٹریڈ کے لیے استعمال کرنے کی دعوت دیں گے اور اس کے ساتھ اہم تجارتی معاہدوں پر دستخط کریں گے۔