امریکا کا کابل ایئرپورٹ دھماکے میں ملوث داعش دہشت گرد کی گرفتاری پر پاکستان کا شکریہ
واشنگٹن، یورپ ٹوڈے: امریکا نے کابل ایئرپورٹ دھماکے میں ملوث داعش دہشت گرد شریف اللہ کی گرفتاری میں تعاون پر پاکستان کا شکریہ ادا کیا ہے۔
غیر ملکی میڈیا کے مطابق، امریکی محکمہ خارجہ کی ترجمان، ٹیمی بروس نے میڈیا بریفنگ کے دوران کہا کہ شریف اللہ کی گرفتاری کا کریڈٹ پاکستان کو جاتا ہے۔ انہوں نے اس پیشرفت کو دہشت گردی کے خلاف امریکا اور پاکستان کے مشترکہ عزم کی علامت قرار دیا۔
ترجمان کا مزید کہنا تھا کہ یہ گرفتاری اس امر کی عکاسی کرتی ہے کہ دہشت گردی کے خلاف جنگ میں پاکستان اور امریکا ایک ساتھ کھڑے ہیں، اور دونوں ممالک کے باہمی تعلقات انتہائی اہمیت کے حامل ہیں۔
ٹیمی گروس نے یہ بھی واضح کیا کہ دہشت گردی کے خلاف جنگ میں پاکستان امریکا کا اہم اتحادی ہے اور یہ دونوں ممالک کے مشترکہ مفادات میں شامل ہے۔
یاد رہے کہ گزشتہ روز امریکی قومی سلامتی کے مشیر مائیکل والٹر نے بھی داعش دہشت گرد شریف اللہ کی گرفتاری میں پاکستان کے تعاون کو سراہتے ہوئے اس کی کوششوں کی تعریف کی تھی۔
پاکستان اور امریکا کے درمیان انسدادِ دہشت گردی کے شعبے میں یہ تعاون دونوں ممالک کے تعلقات میں مزید مضبوطی کی علامت ہے۔
