پاکستان کی سری لنکا کے خلاف او ڈی آئی سیریز میں کامیابی پر وزیرِ اعظم کا اظہارِ مسرت

اسلام آباد: وزیرِ اعظم محمد شہباز شریف نے سری لنکا کے خلاف پاکستان کی او ڈی آئی سیریز میں کامیابی پر خوشی کا اظہار کیا ہے۔

وزیرِ اعظم نے اپنے بیان میں کہا کہ پاکستانی کرکٹ ٹیم کے تمام کھلاڑیوں، کوچز اور مینجمنٹ، خصوصاً چیئرمین پی سی بی سید محسن رضا نقوی نے جس عزم، محنت اور ٹیم ورک کا مظاہرہ کیا ہے، وہ پوری قوم کے لیے قابلِ فخر ہے۔

انہوں نے کہا کہ اس کامیابی نے پوری قوم کو سرشار کر دیا ہے۔

وزیرِ اعظم شہباز شریف نے پوری ٹیم کے لیے نیک خواہشات کا اظہار کرتے ہوئے امید ظاہر کی کہ قومی کرکٹ ٹیم آئندہ بھی اسی جذبے اور کارکردگی کے ساتھ ملک و قوم کا نام روشن کرتی رہے گی۔