صدر آصف علی زرداری چار روزہ سرکاری دورے پر متحدہ عرب امارات پہنچ گئے
ابو ظہبی: صدر آصف علی زرداری پیر کے روز متحدہ عرب امارات کے چار روزہ سرکاری دورے کے لیے یہاں پہنچ گئے۔ صدر کو زاید انٹرنیشنل ایئرپورٹ کے صدارتی فلائٹ ٹرمینل پر متحدہ عرب امارات کے وزیرِ انصاف عبداللہ بن سلطان بن عوض النعیمی نے استقبال کیا۔ صدر کے ہمراہ فرسٹ لیڈی بی بی آصفہ بھٹو زرداری اور وفاقی وزیر داخلہ محسن نقوی بھی تھے۔
اس موقع پر پاکستانی سفیر شفقات علی خان بھی موجود تھے۔
صدر زرداری کا دورہ 29 جنوری 2026 تک جاری رہے گا۔ اس دوران صدر زرداری متحدہ عرب امارات کی قیادت کے ساتھ دوطرفہ تعلقات کے تمام پہلوؤں کا جائزہ لیں گے۔ ملاقاتوں میں تجارتی تعلقات، اقتصادی شراکت داری، دفاع، سلامتی اور عوامی رابطوں کے امور پر بات چیت متوقع ہے۔
صدر زرداری کا یہ دورہ پاکستان اور متحدہ عرب امارات کے درمیان برادرانہ تعلقات اور شراکت داری کا عملی مظاہرہ ہے۔
