پاکستان اور چین کے درمیان آل ویدر اسٹریٹجک تعاون مزید مضبوط بنانے پر زور
Read Time:1 Minute, 15 Second
اسلام آباد، یورپ ٹوڈے: نائب وزیراعظم و وزیر خارجہ سینیٹر محمد اسحاق ڈار نے پاکستان اور چین کے درمیان آل ویدر اسٹریٹجک کوآپریٹو پارٹنرشپ کو مختلف شعبوں میں مزید گہرا کرنے کی اہمیت پر زور دیا ہے۔
نائب وزیراعظم و وزیر خارجہ نے تجارت و سرمایہ کاری، علاقائی روابط، پاک چین اقتصادی راہداری (سی پیک)، زراعت، سائنس و ٹیکنالوجی، تعلیم اور عوامی سطح پر روابط سمیت مختلف شعبوں میں دوطرفہ تعاون کو مزید فروغ دینے کی ضرورت پر زور دیا۔
انہوں نے ان خیالات کا اظہار چین کے لیے پاکستان کے نامزد سفیر علی اسد گیلانی سے ملاقات کے دوران کیا، جنہوں نے ہفتہ کو نائب وزیراعظم و وزیر خارجہ سے ملاقات کی۔ دفتر خارجہ کے ترجمان کی جانب سے جاری پریس ریلیز کے مطابق ملاقات میں پاک چین تعلقات اور باہمی تعاون سے متعلق امور پر تبادلہ خیال کیا گیا۔
نائب وزیراعظم و وزیر خارجہ نے علی اسد گیلانی کو چین میں پاکستان کا سفیر نامزد ہونے پر مبارکباد دی اور پاکستان اور چین کے دیرینہ، آزمودہ اور خصوصی تعلقات کی اہمیت کو اجاگر کیا۔
انہوں نے ایشیا پیسیفک امور کے ایڈیشنل سیکریٹری کی حیثیت سے علی اسد گیلانی کی خدمات کو سراہتے ہوئے اس اعتماد کا اظہار کیا کہ ان کا وسیع تجربہ پاکستان اور چین کے درمیان دیرپا اور ہمہ جہت شراکت داری کو مزید مستحکم بنانے میں معاون ثابت ہوگا۔
سینیٹر محمد اسحاق ڈار نے نامزد سفیر کے لیے چین میں اپنی نئی ذمہ داریوں کی کامیاب تکمیل کے لیے نیک خواہشات کا اظہار بھی کیا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 