نیوزی لینڈ نے پاکستان کے خلاف ایک روزہ سیریز کے لیے اسکواڈ کا اعلان کر دیا

ویلنگٹن، یورپ ٹوڈے: نیوزی لینڈ کرکٹ بورڈ نے پاکستان کے خلاف ایک روزہ ہوم سیریز کے لیے اپنی ٹیم کا اعلان کر دیا۔ ٹام لیتھم کو اسکواڈ کی قیادت سونپی گئی ہے، جبکہ پہلا ون ڈے میچ 29 مارچ کو نیپئر میں کھیلا جائے گا۔

نیوزی لینڈ کی ون ڈے ٹیم میں محمد عباس کو شامل کیا گیا ہے، جو پاکستان میں پیدا ہوئے اور بعد میں اہلِ خانہ کے ہمراہ نیوزی لینڈ منتقل ہوگئے۔ وہ پاکستان میں فرسٹ کلاس کرکٹ کھیلنے والے اظہر عباس کے صاحبزادے ہیں، جو آکلینڈ اور ویلنگٹن کی نمائندگی کے ساتھ فائر بورڈز کے اسسٹنٹ کوچ بھی ہیں۔

نیوزی لینڈ کرکٹ کے مطابق مچل سینٹنر، راچن رویندرا، ڈیون کانوائے اور گلین فلپس آئی پی ایل مصروفیات کے باعث اسکواڈ میں شامل نہیں ہوں گے۔ تاہم، ٹیم میں آئی سی سی چیمپئنز ٹرافی کے فائنل کھیلنے والے آٹھ کھلاڑی موجود ہیں۔

دیگر کھلاڑیوں میں آدی اشوک، مائیکل بریسویل، مارک چیپمین، جیکب ڈفی، مچ، نک کیلی، ول او رورکی، بین سئیرز، نیتھن سمتھ اور ول ینگ شامل ہیں۔

پاکستان اور نیوزی لینڈ کے درمیان تین میچوں پر مشتمل ون ڈے سیریز کا پہلا میچ 29 مارچ کو جبکہ باقی دو میچز 2 اور 5 اپریل کو کھیلے جائیں گے۔