اسحاق ڈار کی زیر صدارت ایندھن ریلیف اسکیم پر عملدرآمد کا جائزہ
Read Time:1 Minute, 0 Second
اسلام آباد، یورپ ٹوڈے: نائب وزیراعظم و وزیر خارجہ سینیٹر محمد اسحاق ڈار نے جمعرات کو قومی سطح پر آغاز کے بعد وزیراعظم کی خصوصی ریلیف اسکیم برائے ایندھن پر عملدرآمد کا جائزہ لینے کیلئے قومی اسٹیئرنگ کمیٹی برائے ایندھن سبسڈی کے اجلاس کی صدارت کی۔
اجلاس میں ملک بھر میں رجسٹریشن، ٹوکن کے ذریعے ریلیف کے حصول اور پٹرول پمپس کو ادائیگیوں سے متعلق پیش رفت کا جائزہ لیا گیا۔
نائب وزیراعظم و وزیر خارجہ نے صارفین اور ایندھن اسٹیشنز کی شکایات کے ازالے اور تکنیکی معاونت کیلئے چوبیس گھنٹے فعال خصوصی نظام قائم کرنے کی ہدایت کی۔
انہوں نے واضح کیا کہ درست ٹوکن پیش کرنے والے کسی بھی شہری کو واپس نہ بھیجا جائے اور اس بات کو یقینی بنایا جائے کہ ریلیف بلاجواز رکاوٹوں کے بغیر مستحق افراد تک پہنچے۔
اجلاس میں وفاقی وزراء برائے پیٹرولیم، اقتصادی امور، اطلاعات و نشریات اور آئی ٹی و ٹیلی کمیونیکیشن کے علاوہ معاون خصوصی وزیراعظم طارق باجوہ، اسٹیٹ بینک آف پاکستان کے ڈپٹی گورنر، چیئرمین اوگرا، سیکرٹری پیٹرولیم، پنجاب اور سندھ کے ایڈیشنل چیف سیکرٹریز جبکہ آزاد جموں و کشمیر، گلگت بلتستان، اسلام آباد کیپیٹل ٹیریٹری اور متعلقہ وفاقی و صوبائی محکموں کے اعلیٰ حکام نے شرکت کی۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
