اسحاق ڈار کا 24 سے 28 اگست تک برطانیہ کا سرکاری دورہ
Read Time:56 Second
اسلام آباد، یورپ ٹوڈے: نائب وزیراعظم و وزیر خارجہ سینیٹر محمد اسحاق ڈار 24 سے 28 اگست تک برطانیہ کا سرکاری دورہ کریں گے۔
دفتر خارجہ کے ترجمان نے اتوار کو جاری بیان میں بتایا کہ نائب وزیراعظم و وزیر خارجہ دورے کے دوران برطانوی وزیر خارجہ ایڈ ملی بینڈ، دفتر خارجہ و دولتِ مشترکہ (FCDO) کے وزیر مملکت برائے پاکستان اسٹیفن ڈوٹی اور برطانوی حکومت کے دیگر اعلیٰ حکام سے ملاقاتیں کریں گے۔
اسحاق ڈار بین الاقوامی میری ٹائم آرگنائزیشن کے سیکرٹری جنرل سے بھی ملاقات کریں گے، جس میں آئل ٹینکر ایم ٹی آنر 25 پر صومالی بحری قزاقوں کے زیر حراست پاکستانی عملے کے ارکان کے معاملے پر تبادلہ خیال کیا جائے گا۔
نائب وزیراعظم و وزیر خارجہ دولتِ مشترکہ کی سیکرٹری جنرل شرلی ایوکور بوچوے سے بھی ملاقات کریں گے۔
دورے کے دوران اسحاق ڈار برطانوی ارکان پارلیمنٹ اور برطانیہ میں مقیم پاکستانی برادری کے نمائندوں سے بھی ملاقاتیں کریں گے۔
یہ دورہ پاکستان اور برطانیہ کے درمیان دوطرفہ تعلقات کو مزید مستحکم بنانے اور باہمی دلچسپی کے مختلف امور پر تبادلہ خیال کے لیے اہم قرار دیا جا رہا ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 