پاکستان نے جی 24 کی صدارت سنبھال لی، صدرِ مملکت کا خیرمقدم
Read Time:48 Second
اسلام آباد، یورپ ٹوڈے: صدرِ مملکت آصف علی زرداری نے پاکستان کی جانب سے گروپ آف 24 (جی 24) کی صدارت سنبھالنے کا خیرمقدم کیا ہے۔
صدرِ مملکت نے اس کامیابی پر وفاقی وزیر خزانہ سینیٹر محمد اورنگزیب اور ان کی ٹیم کو مبارکباد دی۔ ایوانِ صدر کے میڈیا ونگ کی جانب سے جاری کردہ پریس ریلیز کے مطابق صدر آصف علی زرداری نے کہا کہ جی 24 کی صدارت پاکستان کو عالمی اقتصادی معاملات میں ترقی پذیر ممالک کی مؤثر نمائندگی یقینی بنانے کا ایک اہم موقع فراہم کرتی ہے۔
انہوں نے اس اعتماد کا اظہار کیا کہ پاکستان جی 24 کے پلیٹ فارم کو ترقی پذیر معیشتوں کے مشترکہ مفادات کے فروغ کے لیے مؤثر انداز میں استعمال کرے گا۔
صدرِ مملکت نے مزید کہا کہ اس موقع سے پاکستان کو ترقیاتی مالی معاونت کے فروغ، موسمیاتی تبدیلی کے چیلنجز سے نمٹنے اور عالمی مالیاتی تعاون کو مضبوط بنانے میں اہم کردار ادا کرنے کا موقع ملے گا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 