پاکستان کا کیوبا پر عائد اقتصادی، تجارتی اور مالیاتی پابندیاں فوری ختم کرنے کا مطالبہ
Read Time:1 Minute, 2 Second
اقوام متحدہ، یورپ ٹوڈے: پاکستان نے کیوبا پر عائد اقتصادی، تجارتی اور مالیاتی پابندیوں کے خاتمے کے اپنے دیرینہ مؤقف کا اعادہ کرتے ہوئے عالمی برادری پر زور دیا ہے کہ وہ ایسے اقدامات کی حمایت کرے جو کیوبا کو درپیش انسانی مسائل میں کمی اور پائیدار ترقی کے فروغ میں معاون ثابت ہوں۔
اقوام متحدہ کی جنرل اسمبلی میں "امریکہ کی جانب سے کیوبا پر عائد اقتصادی، تجارتی اور مالیاتی پابندیوں کے خاتمے کی ضرورت” کے عنوان سے منعقدہ دوسرے مباحثے سے خطاب کرتے ہوئے اقوام متحدہ میں پاکستان کے مستقل مندوب، عاصم افتخار احمد نے کہا کہ کیوبا پر عائد طویل المدتی پابندیوں کا خاتمہ ناگزیر ہے۔
انہوں نے کہا کہ پابندیوں کے خاتمے سے کیوبا میں انسانی صورتحال میں بہتری آئے گی، کیوبا کے عوام کو ترقی اور خوشحالی کے اپنے حق سے بھرپور استفادہ کرنے کا موقع ملے گا، جبکہ کثیرالجہتی تعاون اور بین الاقوامی اشتراک کے بنیادی اصول بھی مزید مضبوط ہوں گے۔
عاصم افتخار احمد نے تعمیری بین الاقوامی روابط کے لیے پاکستان کی حمایت کا اعادہ کرتے ہوئے اس بات پر زور دیا کہ عالمی چیلنجز کا مؤثر حل باہمی مکالمے، تعاون اور اقوام متحدہ کے منشور کے مقاصد اور اصولوں کے احترام کے ذریعے ہی ممکن ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
