صدر آصف علی زرداری کا گروپ کیپٹن عاصم طارق کی شہادت پر گہرے رنج و غم کا اظہار
Read Time:53 Second
اسلام آباد، یورپ ٹوڈے: صدر مملکت آصف علی زرداری نے پیر کے روز گروپ کیپٹن عاصم طارق کی شہادت پر گہرے دکھ اور افسوس کا اظہار کیا، جنہوں نے اتوار کے روز اسلام آباد میں ایک بے گناہ خاتون کو بچانے کی کوشش کے دوران اپنی جان کا نذرانہ پیش کیا۔
صدر مملکت نے اپنے تعزیتی بیان میں کہا کہ ایک بے گناہ خاتون کے تحفظ کے لیے اپنی جان قربان کرنا اعلیٰ انسانی اقدار، بہادری اور قومی خدمت کی روشن مثال ہے۔
انہوں نے شہید گروپ کیپٹن عاصم طارق کے اہل خانہ سے دلی تعزیت اور ہمدردی کا اظہار کرتے ہوئے دعا کی کہ اللہ تعالیٰ انہیں یہ صدمہ برداشت کرنے کی ہمت اور صبر عطا فرمائے۔
صدر آصف علی زرداری نے کہا کہ اسلام آباد کی ایک مرکزی شاہراہ پر اس نوعیت کا افسوسناک واقعہ تشویش کا باعث ہے۔ انہوں نے اس بات پر زور دیا کہ ایسے جرائم کے مکمل خاتمے کو یقینی بنانے کے لیے مؤثر اور جامع اقدامات کیے جائیں تاکہ شہریوں کے جان و مال کا تحفظ یقینی بنایا جا سکے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
