قائداعظم نے برصغیر کے مسلمانوں کے حقوق کے لیے اپنی زندگی وقف کی، صدر زرداری
Read Time:1 Minute, 14 Second
اسلام آباد، یورپ ٹوڈے: صدر مملکت آصف علی زرداری نے کہا ہے کہ قائداعظم محمد علی جناح نے برصغیر کے مسلمانوں کے بنیادی انسانی حقوق اور سیاسی و سماجی آزادی کے حصول کے لیے اپنی پوری زندگی وقف کردی۔
صدر مملکت نے قائداعظم کے یومِ وفات کے موقع پر اپنے پیغام میں کہا کہ قائداعظم کی انتھک جدوجہد، اصول پسندی اور غیر متزلزل قیادت کے نتیجے میں برصغیر کے مسلمانوں کے لیے ایک آزاد وطن کے قیام کی راہ ہموار ہوئی۔
انہوں نے کہا کہ قائداعظم محمد علی جناح نے آئین، قانون کی حکمرانی، جمہوریت، مساوات اور انسانی حقوق کے اصولوں کو ہمیشہ مقدم رکھا۔ ان کی جدوجہد کا بنیادی مقصد مسلمانوں کو ان کے جائز حقوق دلانا اور انہیں ایک ایسا آزاد وطن فراہم کرنا تھا جہاں وہ اپنی سیاسی، معاشی اور سماجی ترقی کے لیے آزادانہ طور پر کام کرسکیں۔
صدر زرداری نے قوم پر زور دیا کہ وہ قائداعظم کے اصولوں اور افکار پر عمل کرتے ہوئے ملک کی ترقی، استحکام، اتحاد اور خوشحالی کے لیے اپنا کردار ادا کرے۔
انہوں نے کہا کہ قائداعظم کا وژن پاکستان کو ایک مضبوط، جمہوری، ترقی یافتہ اور قانون کی حکمرانی پر مبنی ریاست کے طور پر دیکھنا تھا، اور اس وژن کی تکمیل کے لیے قومی یکجہتی اور اجتماعی کاوشیں ناگزیر ہیں۔
صدر مملکت نے قوم سے اپیل کی کہ قائداعظم کی زندگی اور جدوجہد سے رہنمائی حاصل کرتے ہوئے پاکستان کی تعمیر و ترقی اور اس کے استحکام کے لیے اپنی ذمہ داریاں پوری کریں۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
