سعودی عرب: اگست میں کرپشن کے الزام میں 139 افراد گرفتار

ریاض، یورپ ٹوڈے: سعودی عرب کے محکمہ انسداد کرپشن نے اعلان کیا ہے کہ اگست کے مہینے میں کرپشن کے مختلف الزامات کے تحت 139 افراد کو حراست میں لیا گیا ہے۔

محکمہ انسداد کرپشن کے مطابق زیر حراست افراد میں وزارت داخلہ، دفاع، صحت، انصاف، تعلیم اور بلدیات کے ملازمین شامل ہیں۔ ان افراد پر رشوت لینے، منی لانڈرنگ کرنے اور اپنے منصب کا ناجائز استعمال کرنے کے الزامات عائد کیے گئے ہیں۔

محکمہ انسداد کرپشن کا کہنا ہے کہ گرفتار افراد کے خلاف قانونی کارروائی جاری ہے اور ان الزامات کی مکمل تحقیقات کی جا رہی ہیں۔