پاک سعودی فضائی رابطوں میں اہم پیش رفت، ریاض ایئر کی پہلی پرواز اسلام آباد پہنچ گئی
Read Time:42 Second
اسلام آباد، یورپ ٹوڈے: پاک سعودی فضائی روابط میں اہم پیش رفت ہوئی ہے، سعودی عرب کی نئی ایئرلائن ریاض ایئر کی پہلی پرواز اسلام آباد انٹرنیشنل ایئرپورٹ پہنچ گئی۔
اسلام آباد انٹرنیشنل ایئرپورٹ پر سعودی سفیر نواف بن سعید المالکی اور متعلقہ ایوی ایشن حکام نے ریاض ایئر کی پہلی پرواز کا استقبال کیا۔
سعودی پریس اتاشی ڈاکٹر سیف ناصر المشعلی کے مطابق ریاض ایئر کی پروازوں کا آغاز پاکستان اور سعودی عرب کے درمیان تجارتی، سفارتی اور عوامی روابط کو مزید مستحکم کرنے کی جانب اہم قدم ہے۔
انہوں نے کہا کہ نئی فضائی سروس دونوں برادر ممالک کے درمیان عوامی روابط، کاروباری سرگرمیوں اور باہمی تعاون کے فروغ میں اہم کردار ادا کرے گی۔
ریاض ایئر کی پاکستان آمد دونوں ممالک کے درمیان بڑھتے ہوئے برادرانہ تعلقات اور فضائی رابطوں کے مزید فروغ کی عکاس ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
