وزیراعظم شہباز شریف کل قطر کا دورہ کریں گے
Read Time:56 Second
اسلام آباد، یورپ ٹوڈے: وزیراعظم شہباز شریف پیر کو قطر کا مختصر دورہ کریں گے جہاں وہ قطر کے سابق امیر شیخ حمد بن خلیفہ آل ثانی کے انتقال پر قطری قیادت سے اظہارِ تعزیت کریں گے۔
حکومتی ذرائع کے مطابق وزیراعظم شہباز شریف اپنے دورۂ قطر کے دوران قطر کے امیر شیخ تمیم بن حمد آل ثانی سے ملاقات بھی کریں گے، جس میں باہمی دلچسپی کے امور، دوطرفہ تعلقات اور علاقائی صورتحال پر تبادلہ خیال متوقع ہے۔
ذرائع کا کہنا ہے کہ وزیراعظم پاکستان کی جانب سے سابق امیر شیخ حمد بن خلیفہ آل ثانی کے انتقال پر قطر کی حکومت، شاہی خاندان اور عوام سے دلی ہمدردی اور تعزیت کا اظہار کریں گے۔
وزیراعظم کے وفد میں نائب وزیراعظم و وزیر خارجہ اسحاق ڈار سمیت دیگر اہم حکومتی شخصیات بھی شامل ہوں گی۔
یاد رہے کہ قطر کے سابق امیر شیخ حمد بن خلیفہ آل ثانی اتوار کو انتقال کر گئے تھے، جس کے بعد قطر میں چار روزہ قومی سوگ کا اعلان کیا گیا ہے، جبکہ مختلف ممالک کے سربراہان اور اعلیٰ شخصیات کی جانب سے تعزیت کا سلسلہ جاری ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 