وزیراعظم شہباز شریف کل اڑان پاکستان پروگرام کا اعلان کریں گے
اسلام آباد، یورپ ٹوڈے: وزیراعظم شہباز شریف کل 31 دسمبر کو اڑان پاکستان پروگرام کا باضابطہ اعلان کریں گے۔ وزارت منصوبہ بندی کے مطابق اڑان پاکستان ایک 5 سالہ قومی اقتصادی منصوبہ ہے جو 2024 سے 2029 تک محیط ہوگا۔
ذرائع کے مطابق وفاقی حکومت اس پروگرام کے تحت 2029 تک برآمدات کو سالانہ 60 ارب ڈالرز تک بڑھانے کا ہدف رکھتی ہے۔ اس کے علاوہ، پروگرام کے تحت ہر سال ہزاروں کی تعداد میں آئی ٹی گریجوایٹس کی تعداد میں اضافہ کیا جائے گا۔
اڑان پاکستان پروگرام کا بنیادی مقصد پاکستان کی معیشت کو 2035 تک 1000 ارب ڈالرز کی بنیاد فراہم کرنا ہے۔ اس منصوبے کے تحت خواندگی کی شرح میں اضافہ، غربت میں کمی، اور دیگر سماجی و اقتصادی مسائل کے حل پر توجہ دی جائے گی۔
آئی ٹی کی برآمدات کو اڑان پاکستان پروگرام میں خصوصی اہمیت دی گئی ہے، تاکہ ملک کو جدید ڈیجیٹل معیشت کی جانب گامزن کیا جا سکے۔
