وزیراعظم شہباز شریف آج دو روزہ سرکاری دورے پر سعودی عرب روانہ ہوں گے
Read Time:43 Second
اسلام آباد، یورپ ٹوڈے: وزیراعظم محمد شہباز شریف آج دو روزہ سرکاری دورے پر سعودی عرب روانہ ہوں گے، جہاں وہ سعودی ولی عہد اور وزیراعظم شہزادہ محمد بن سلمان سے اہم ملاقات کریں گے۔
ذرائع کے مطابق ملاقات کے دوران پاکستان اور سعودی عرب کے درمیان دوطرفہ تعلقات، باہمی تعاون کے فروغ، اقتصادی شراکت داری اور مختلف شعبوں میں تعاون کو مزید وسعت دینے کے امکانات پر تبادلہ خیال کیا جائے گا۔
ذرائع کا کہنا ہے کہ وزیراعظم شہباز شریف اور سعودی ولی عہد کے درمیان خطے کی مجموعی صورتحال، مشرق وسطیٰ میں امن و استحکام، علاقائی سلامتی اور باہمی دلچسپی کے دیگر اہم امور بھی زیر بحث آئیں گے۔
دورے کے دوران دونوں ممالک کے درمیان برادرانہ تعلقات کو مزید مستحکم بنانے اور مختلف شعبوں میں تعاون کے فروغ کے حوالے سے اہم پیش رفت کی توقع کی جا رہی ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 